МУАММОЛАР
1
ОДАМ
1
ОДАМ
Қон тўқар юздин дамодам ашку ваҳким, ҳар замон
Боғланиб оҳимдин айлар кўкка майл ул қатра қон.
2
АҲМАД
АҲМАД
Майда икки юз агар кўргузмаса ул маҳжабин,
Дурд дардин истабон жон бермагай аҳли яқин,
3
БОҚИЙ ВА БОҚИР
БОҚИЙ ВА БОҚИР
Жаннат гулию насриниға бўлсанг муштоқ,
Гаҳ ёр юзига, гаҳ кафи пойиға боқ.
4
БАҲО
БАҲО
Дайр аро кир, пандни гўш айлагил,
Бода бешак соф эрур нўш айлагил.
5
ТАҚИЙ
ТАҚИЙ
Мустақим эрди кўнгул ишқингда, эй ороми жон,
Ўртанур ул мустақимим эмди ғамдин ҳар замон,
6
ТОЖ
ТОЖ
Юз кўнгул сайдин ажал домидин озод айлади,
То жамолинг тоблиғ зулфини барбод айлади.
7
САМУД
САМУД
Танимда доғлар узра ғамингки ўртади доғ,
Кўринди ўзгача ул доғдин танимда фароғ.
5
ЖУНАЙД
ЖУНАЙД
Оҳ ўқин жондинки чексам ул париваш ёдидин,
Қолмас ул ёдимда ҳам фарёд анинг бедодидин.
9
ЖАЪФАР
ЖАЪФАР
Жонондин айру топти кўнгул, умрдин малол,
Ўздин кечибтур эмдию айлар вафо хаёл.
10
ҲАСАН
ҲАСАН
Қошинг гўшаси чеккали ғамза досин,
Янги ойнинг устида кўргузди ёсин.
11
ҲАМЗА
ҲАМЗА
Ёшун, эй гулки, ул гулрух жамоли
Эрур ҳам содаву ҳам тоза холи.
12
ХОЛИД
ХОЛИД
Нуқтаи мушкинки ул юз узра бўлмиш жилвагар,
То ҳисобин англасун эл юз ёшур, эй сиймбар.
13
ХУСРАВ
ХУСРАВ
Ул ниҳолеким қадингға йўқ шабиҳ, андоқ ниҳол
Бошида кўргузса юз хуршид ўлур сендин мисол.
14
ДОВУД
ДОВУД
Ўт тушти ваҳм дуди аро фурқатидин,
То куйдию ўртанди кўнгул ҳирқатидин.
15
ДАРВЕШ
ДАРВЕШ
Ҳар не топсанг давр аро, соқий, аёққа сол ани,
Юз кўрардин ўтти иш тут эмди моломол ани.
16
ЗУННУН
ЗУННУН
Васл саъйидин эмиш ишқ аҳли ичра можаро,
Завқдин кўрким юзум олтундек ўлмиш ишқ аро.
17
РУСТАМ
РУСТАМ
Нечаким ёр ситам эткан ила узди вафо,
Ёдин этканча оти вирди забон бўлди манго.
Ёдин этканча оти вирди забон бўлди манго.
18
РАЖАБ
РАЖАБ
Ою қуёш айлади юзунг била даъво,
Бизга алардин ажаб кўринди бу маъно.
19
ЗАЙНИ ВА ЗАЙД
ЗАЙНИ ВА ЗАЙД
Кўз учи қоши ёсидур соҳир,
Ани ёд ол алардин, эй сомир.
20
ЗОҲИД
ЗОҲИД
Ой юзинда холини кўргач, ул ой топти жамол,
Охир ул юздинки ёпти, ваҳки, пинҳон бўлди хол.
21
САЪД
САЪД
Бу гулшан ичраки йўқтур бақо гулига сабот,
Ажаб саодат эрур чиқса яхшилиқ била от.
22
САЛМОН
САЛМОН
Қилур эсанг манга сомон аё рафиқ ҳавас,
Анинг аёғиға еткур менинг бошимнию бас.
23
ШОҲ
ШОҲ
Жон қуши чу бўлди донаи холиға зор,
Шод ўлдию ҳалқа айлади зулфини ёр.
24
ШУКРИЛЛОҲ
ШУКРИЛЛОҲ
Қора эрди кўзум ҳажрингдин, эй моҳ,
Яна кўрдум юзунгни шукриллоҳ.
25
СИДДИҚ
СИДДИҚ
Юзунг била юзума кош бўлса уйла висол
Ки, бўлмаса ораларинда ғайри ул хату хол.
26
САФИ ВА САФО
САФИ ВА САФО
Қасди жонимға чу мужгонинг икки саф тузди.
Бири қош ёси, бири ғамзанг ўқин кўргузди.
27
ЗИЁ
ЗИЁ
Гул авроқин сабо қилди паришон,
Қабул этти нечаким топти имкон.
28
ТОҲИР
ТОҲИР
Гириҳни туррадин то очти моҳим,
Паришон қилди филҳол ани оҳим!
29
ТОЛИБ
ТОЛИБ
Оғиз лабиға чу қўйдум яна талаб қилайин
Ки, ғайри нақши кам ўлғой яна тараб қилайин.
30
ЗАҲИР
ЗАҲИР
Халқ ичра зуҳури ҳусн ул сийминбар,
Кўргузди ваё бўлди қиёмат яксар.
Ким жилвагар эрди гар кичик, ёхуд улуғ,
Бир-бир ҳаракатин айлади зеру забар.
31
ОМИР
ОМИР
Жумлаи ашёға бўлдум ошиқу ошуфта ҳол,
Оламу одам юзин чун қилди миръот ул жамол.
32
ОДИЛ
ОДИЛ
Ҳам қоши бирла орази хуш эрур,
Ҳам кўзи бирла қадди дилкаш эрур.
33
ҒАРИБ
ҒАРИБ
Чок бағрим тарфин айладинг икки парканд,
Бирини ташлабон охир бирин эттинг пайванд.
34
ҒАЙБИЙ
ҒАЙБИЙ
Сўзға эвурди икки лабингни такаллумунг,
Ё барги гулни ики айирди табассумунг.
35
ФАРҲОД
ФАРҲОД
Ҳар кеча кўнглум ғаминг тоғида фарёд айлагай,
Уйлаким фарёд-фарёдини Фарҳод айлагай.
36
ФАРРУХ
ФАРРУХ
Гар юзунгдин ҳусн элн юзинда бир хол этса фош,
Ул арода бесарупо заррадек киргай қуёш.
37
ҚУБОД
ҚУБОД
Сочинг ғубори гаҳи юз ёпар, гаҳи юз очар,
Не зулфдурки ёпар ойни, чунки мушк сочар.
38
ҚОСИМ
ҚОСИМ
Рухсораси узра, эй кўнгул, хол недур,
Зулфи аёғи остида помол недур.
Қани ани кўрган сени кўрса мени ҳам,
Ким ойидин айру элга аҳвол недур.
39
КАМОЛ
КАМОЛ
Юзинким қатра хай сероб қилмиш,
Гуледурким су ичкандин очилмиш.
40
КОКО
КОКО
Жон қилғай икки юзунг гули сори шитоб,
Гар бўлмаса икки сунбулунгдин қуллоб.
41
ЛОЛО
ЛОЛО
Сабодин кўрди чун машшота икки зулфини дарҳаму
Анингдек учларин кестики қатъ ўлди гириҳлар ҳам.
Анингдек учларин кестики қатъ ўлди гириҳлар ҳам.
42
ЛАТИФ
ЛАТИФ
Саф чекти ҳар тараф юзидин кирпик, эй кўнгул,
Ул шаклни кўруб хираду сабрдин тўнгул.
43
МУҲСИН
МУҲСИН
Мажлисда шайх бу кеча кўп шайн бошлади,
Синдурди шамъу нуқлни ҳавз ичра ташлади.
44
МУРОД
МУРОД
Лутфунг ели чун эсти бу мардудқа филҳол,
Идбор ниҳоятқа етиб келди юз иқбол.
45
НЕКИПАЙ
НЕКИПАЙ
Ўқунгға тан, ваъдангға жон хуш қилмиш эрди хотирин
Кести чу пайконинг бирин, куйдурди пайғоминг бирин.
46
НОСИР
НОСИР
Кўрунса кўзга ногаҳ-ногаҳ ул ой,
Кўзум ҳайрон қолур юзига, эй вой.
47
ВАЛИ
ВАЛИ
Чу ул ойға қул ўлди бу ғамкаш,
Қулидин юз ёшурди ул маҳваш.
48
ВАРҚА
ВАРҚА
Жавр ила қаҳрингки ҳаддин ошти бағоят,.
Ваҳки, не бор ибтидо анга не ниҳоят.
49
ҲУМОМ
ҲУМОМ
Ул шўх онча жаврда кўргузди эҳтимом,
Ким от чиқарди, балки анга ушбу эрди ком.
50
ҲИЛОЛ
ҲИЛОЛ
Кўнглум ҳалок бўлди, чу ишқингни бошлади,
Охир бошинда ҳар неки бор эрди, ташлади.
51
ЮСУФ
ЮСУФ
Сайр ичра қачонким юзунгга етти қуёш,
Тер оқиб, анинг чеҳрасидин борди ёш.
52
ЮНУС
ЮНУС
Зулф очмаки юзунгдур манга шамъи мажлис,
Маҳв қил тун рақамин кун юзидин, эй мунис.